6,000 ಕೋಟಿ ರೂ.ಗಳ ಮಹಾದೇವ್ ಅಪ್ಲಿಕೇಶನ್ ಹಗರಣಕ್ಕೆ ಸಂಬಂಧಿಸಿದಂತೆ ಛತ್ತೀಸ್ ಗಢದ ಮಾಜಿ ಮುಖ್ಯಮಂತ್ರಿ ಭೂಪೇಶ್ ಬಘೇಲ್ ಅವರ ನಿವಾಸದಲ್ಲಿ ಸಿಬಿಐ ಬುಧವಾರ ಶೋಧ ನಡೆಸಿದೆ ಎಂದು ಅಧಿಕಾರಿಗಳು ಸುದ್ದಿ ಸಂಸ್ಥೆ ಪಿಟಿಐಗೆ ತಿಳಿಸಿದ್ದಾರೆ.
ತನಿಖಾ ಸಂಸ್ಥೆಯ ತಂಡಗಳು ರಾಯ್ಪುರ ಮತ್ತು ಭಿಲಾಯ್ ನಲ್ಲಿರುವ ಬಾಘೇಲ್ ಅವರ ನಿವಾಸ ಮತ್ತು ಹಿರಿಯ ಪೊಲೀಸ್ ಅಧಿಕಾರಿ ಮತ್ತು ಮಾಜಿ ಮುಖ್ಯಮಂತ್ರಿಯ ಆಪ್ತರ ನಿವಾಸದ ಆವರಣದ ಮೇಲೆ ದಾಳಿ ನಡೆಸಿದೆ. ಬಾಘೇಲ್ ಅವರ ಆಪ್ತ ಸಹಾಯಕರಿಗೆ ಸಂಬಂಧಿಸಿದ ಸ್ಥಳಗಳಲ್ಲಿಯೂ ದಾಳಿ ನಡೆಸಲಾಗುತ್ತಿದೆ ಎಂದು ಮಾಧ್ಯಮ ವರದಿಗಳನ್ನು ಉಲ್ಲೇಖಿಸಿ ಸುದ್ದಿ ಸಂಸ್ಥೆ ಐಎಎನ್ಎಸ್ ವರದಿ ಮಾಡಿದೆ.
ಇಂದು ಬೆಳಿಗ್ಗೆ 7.45 ರ ಸುಮಾರಿಗೆ ಸಿಬಿಐ ತಂಡವು ಮಹಾದೇವ್ ಪ್ರಕರಣದ ತನಿಖೆಗಾಗಿ ಭಿಲಾಯ್ ಶಾಸಕ ದೇವೇಂದ್ರ ಯಾದವ್ ಅವರ ಮನೆಗೆ ತೆರಳಿತ್ತು. ಆದರೆ ದೇವೇಂದ್ರ ಬೆಂಬಲಿಗರು ಸಿಬಿಐ ಅಧಿಕಾರಿಗಳನ್ನು ಮನೆಯೊಳಗೆ ಪ್ರವೇಶಿಸಲು ಬಿಡಲಿಲ್ಲ. ಕೇಂದ್ರ ಏಜೆನ್ಸಿಯ ತಂಡವು ಬಘೇಲ್ ಅವರ ಸಲಹೆಗಾರ ವಿನೋದ್ ವರ್ಮಾ ಅವರ ನಿವಾಸದಲ್ಲಿತ್ತು.
